సీతమ్మకి ఉత్తరాలు - Seethammaki Vuttharaalu

సూర్య-దేవి అనే దంపతులు అనుకోని పరిస్థితుల్లో ఓ పరాయి ఇంట్లో నివసించాల్సి వస్తుంది. ఆ ఇంటి తోటలో ఉన్న ఒక సమాధి దగ్గర, తన జీవితంలో చెప్పుకోలేకపోయిన అనుభూతులు, పశ్చాత్తాపాలు తన భార్య సీతమ్మకు రాసి పెట్టిన రామన్న కథే ఈ “సీతమ్మకు ఉత్తరాలు.”

ఈ నవల పూర్తిగా 80s-90s కాలానికి చెందినది- ఒక పాత తెలుగు సినిమా చూసినట్టుగా, గుండె లోతుల్లోకి దిగే కథ. 18 నుండి 75 ఏళ్ల వరకు మనిషి అనుభవించే అన్ని భావాల్ని తాకే ఈ కథను మొదటి నవలగా రాయాలని అనిపించింది. ఎందుకంటే ఇందులో నాకు వ్యక్తిగతంగా తెలిసిన చిన్న చిన్న కథలు, అనుభవాలు, జ్ఞాపకాలు, ఊహలు అన్ని జోడించి రాశాను.