హాయ్ విజయ్ గారు,
అమలోద్భవిలో అర్జునుడు కథ ఆద్యంతం ఒక అసాధారణమైన సినిమా చూసిన అనుభూతి కలిగింది. ముఖ్యంగా తెలుగు సాహిత్యం అయితే ఎన్టీఆర్ గారు , ఎస్వీ రంగారావు గారు నటించిన సినిమాల్లోలా అనిపించింది.
ప్రతి అధ్యాయం సముచితమైన శీర్షికతో ఆకట్టుకుంది.👌👌👌 కథలోని ప్రతి క్లిష్టమైన అంశాన్ని చాలా అవలీలగా, అర్థవంతగా, తార్కికంగా రాశారు. ఇలాంటి జానపద కథ రాయటానికి మీరు వెచ్చించిన సమయం, పడ్డ శ్రమ, ప్రతిభ ప్రశంసించదగినవి.
రుద్రఘాటి మహారణ్యం , రహస్యనిధి, కూటయుద్ధం వంటివి అద్భుతంగా, కళ్ళముందు జరుగుతున్నట్లుగా అందించారు. పతాక సన్నివేశంలో రాజు పరివారానికి , రాజ్య ప్రజలకు కలిగే భావోద్వేగాలు అత్యద్భుతంగా ఉన్నాయి. అన్నదమ్ముల అనుబంధంతో వచ్చే సన్నివేశాలు మనసుకు హత్తుకున్నాయి.
ఇలాంటి జానపదకథ పాఠకులకు అందించడంలో సఫలీకృతమయినందుకు మా అభినందనలు.
